អានុភាពនៃការគិតវិជ្ជមាន

អានុភាពនៃការគិតវិជ្ជមាន

ប្រែសម្រួល/រៀបរៀងដោយ:	លីទូច ភិមាន
ISBN:	9789996347368
បោះពុម្ភៈ និង​ ចែកចាយ:	ម៉ាញ ប៊ុក្ស
ថ្ងៃខែឆ្នាំបោះពុម្ភ:	1 វិច្ឆិកា 2017
បោះពុម្ពលើកទី:	1
ទំព័រ:	346
តម្លៃ:	15000  ៛

ការពិព័ណនា
ការមានផ្នត់គំនិតវិជ្ជមានគឺជាចំណុចចាប់ផ្តើមដ៏សំខាន់ព្រោះវាបាននាំមកនូវថាមពលក្នុងការផ្លាស់ប្តូរខ្លួនឯងទៅខាងផ្លួវល្អ មានសមត្ថភាពប្រឈមមុខនឹងបញ្ហានិងឧបសគ្គផ្សេងៗ និងដែលនៅទីបំផុតវានឹងជួយឲ្យយើងអាចបោះជំហានទៅមុខបានសម្រេច។
        សៀវភៅ The power of positive thinking ឬ អានុភាពនៃការគិតវវិជ្ជាមាន ដែលនិពន្ធដោយលោក ណរម៉ែន វិនសិនត៍ ភីល មួយក្បាលនេះ នឹងជួយបង្ហាញឲ្យឃើញអំពីអានុភាពដ៏អស្ចារ្យ ដែលផ្តល់កម្លាំងចិត្តដែលមិនចេះរីងស្ងួត ជួយកម្ចាត់ក្តីភ័យខ្លាច ប្រែក្លាយបរាជ័យឲ្យមកជាជោគជ័យដ៏អស្ចារ្យ។ នេះគឺជាការចែករំលែកទស្សនៈវិធីគិតក្នុងការប្រើជីវិតបែបសាមញ្ញធម្មតា និងដែលវានាំមកនូវក្តីស្ងប់សុខក្នុងចិត្ត ដើម្បីជួយសង្គ្រោះដល់អ្នកដែលជួបនឹងទុក្ខលំបាកឲ្យមានថាមពលក្នុងការពុះពារសម្រេចគោលដៅតាមបំណងប្រាថ្នា។ វាជាសៀវភៅដែលមនុស្សទូទាំងពិភពលោកទទួលស្គាល់ និងលក់ដាច់ជារៀងរហូត ដែលមានចំនួយដល់ទៅជាង ៥ ០០០ ០០០ ក្បាល ដែលបានជួយអ្នកអានបានរកឃើញសេចក្តីស្ងប់សុខក្នុងជីវិត និងពិតជាផ្លាស់ប្តូរជីវិតឲ្យកាន់តែប្រសើរ។
        យើងខ្ញុំសង្ឃឹមថាគន្លឹះល្អៗពី “អានុភាពនៃការគិតវិជ្ជមាន” ដែលអ្នកអានអាចយកទៅប្រើការបានយ៉ាងពិតប្រាកដរួមទាំងវីធីគិតនិងវិធីប្រតិបត្តិអំពីការមានជំនឿក្នុងចិត្ត និងអានុភាពនៃការគិតវិជ្ជមាន នឹងជួយឲ្យអ្នកអានសម្រេចជោគជ័យក្នុងជីវិតដូចដែលអ្នកអានរាប់លានអ្នកធ្លាប់ទទួលផលរួចហើយមិនខាន។
        ម្យ៉ាងទៀតយើងខ្ញុំសូមបញ្ជាក់បន្ថែមថា ថ្វីបើភាគច្រើក្នុងសៀវភៅមានតែលើកយកតែពីជំនឿលើព្រះយេស៊ូ ប៉ុន្តែក្នុងសភាពពិតជាក់ស្តែង មិនថាលោកអ្នកមានជំនឿលើសាសនាអ្វី ឬមានជំនឿលើព្រះចេស្តាអង្គណា យើងក៏នៅតែផ្តោតការអធិដ្ឋានទៅលើព្រះអង្គនោះបានដូចគ្នា។
​​

អ្នកមិនត្រូវចុះចាញ់ចំពោះអ្វីឡើយ

ទោះជាស្ថិតក្នុងស្ថានការណ៍ណាក៏ដោយ

អានុភាពនៃការគិតវិជ្ជមាននឹងជួយបង្កើនកម្លាំងចិត្តដល់អ្នក

ដោយពុំមានថ្ងៃរីងស្ងួតឡើយ
(សូមទំនាក់ទំនងម៉ាញប៊ុក ឬ ០៩៧៥០៣២២៨២)

 មាតិកា:     

         សេចក្តីផ្តើម

1.  ត្រូវជឿជាក់លើខ្លួនឯង
2.  ចិត្តស្ងប់អាចបង្កើនថាមពល
3.  វិធីសាស្ត្រធ្វើឲ្យមានថាមពលផ្លូវចិត្ត
4.  សាកល្បងប្រើអានុភាពនៃការសូត្រអធិដ្ឋាន
5.  វិធីបង្កើតសេចក្តីសុខដល់ខ្លួនឯង
6.  ឈប់ក្តៅក្រហាយនិងឈប់កើតទុក្ខទៀតទៅ
7.  រំពឹងឲ្យខ្ពស់ ព្យាយាមឲ្យអស់ពីលទ្ធភាព
8.  ខ្ញុំមិនជឿលើរឿងអរាជ័យទេ
9.  ធ្វើបែបណាទើបអាចបំបាត់ការព្រួយបារម្មណ៍?
10.  ថាមពលសម្រាប់ដោះស្រាយបញ្ហា
11.  វិធីប្រើជំងឺក្នុងការព្យាបាលជំងឺ
12.  ពេលថាមពលចុះខ្សោយសូមសាកល្បងរូបមន្តនេះ
13.  បញ្ចូលវិធីគិតថ្មីៗជីវិតនឹងផ្លាស់ប្តូរ
14. ​ សម្រាកយកកម្លាំង
15.  ធ្វើដូចម្តេចទើបអ្នកដ៏ទៃចូលចិត្ត?
16.  វេជ្ជបញ្ជាសម្រាប់ព្យាបាលជំងឺផ្លូវចិត្ត
17.  វិធីសាស្ត្រដើម្បីទទួលយកថាមពលដ៏អស្ចារ្យ

      អវសានកថា